شەماڵی عەبە ڕەش

5 مانگ پێش ئێستا

عبدالرحمن هیوا
ناوی تەواوی شەماڵ عەبدوڵا عەلی
لەساڵی 1955 لەشاری سلێمانی لەدایك بووە خوێندنی سەرەتایی و ناوەندی لەشاری سلێمانی تەواو كردووە و دەرچووی پەیمانگای هونەرە جوانەكانی بەغدایە.
 ساڵی 1974 ڕوودەكاتە شاخ و دەبێت بە پێشمەرگە
ساڵی 1972 تا ساڵی 1975 ئەندام بووە لە تیپی پێشڕەوی شانۆی كوردی پاش هەڵوەشاندنەوەی تیپی شانۆیی سۆران
لەساڵی 1975 وە تا ئێستا ئەندامی كۆمەڵەی هونەرە جوانەكانی كورد بووە
جگەلە شانۆ لەبواری دراماو فلمیشدا كاریكردووە چەندین گۆرانیی تۆماركردووە كە بۆ دراماو شانۆكان وتویەتی


ساڵی 1977 لە گوندی كەناروێ وەك مامۆستا دەستی بە وانەوتنەوە كردووە بۆماوەی 6 مانگ مامۆستای سەرەتایی بووە پاشان گواستراوەتەوە بۆ بەڕێوبەرایەتی چالاكی قوتابخانەكان تا ساڵی 1993 كاری كردووە ماوەیەكیش لێپرسراوی بەشی شانۆ بووە لەچالاكیی قوتابخانەكان
ساڵی 1993 بەرەو ئەوروپا ڕۆیشتووە و هاوسەرگیری لەگەڵ خانمە ئەكتەر و شانۆكار (شادان فوئاد) كردووە و دووكچ و كوڕێكی هەیە بە ناوەكانی ( شنۆ، شایی، شارۆ)
ساڵی 2009 لە ڕێوڕەسمێكی شایستەدا بەبێ ئامادەبوونی خۆی میدالیای ئاڵتونی وەك ڕێزلێنان پێبەخشرا، تائێستا بەردەوامە لەخزمەتكردن بەشانۆو هونەری كوردی …

دیارترین بەرهەمەكانی
-ساڵی 1994 كورتە فیلمێكی كوردی وەرگێرانی بۆ زمانی هۆڵەندی لە تیڤی RTL4 هۆڵەندی لە دەرهێنانی حسێن سێودین

-فیلمی ئەو هەرزەكارەی ئیتر نادوێ لەگەڵ هونەرمەندی دیاری هۆڵەندی Ben som bogard لەساڵی1995 لەگەڵ چەند هونەرمەندێكی دیكەی كورد لەوانە ئەكرەم سلێمان دیمەنەكانی ئەم فیلمە لەهەریەك لە وڵاتانی بەلجیكا و مەغریب و هۆڵەندا وێنە گیرابوون

-ساڵی 1996 كارێكی شانۆیی ئەنجامدا بۆمنداڵانی پەنابەری هۆڵەندا بەناوی تاجەكەی شازادە

-ساڵی 1997 وەك یاریدەدەری دەرهێنەر بەشداری لە میوزیكەلالێكی (oparet) ی هۆڵەندی كرد لەگەڵ دەرهێنەری هۆڵەندی (Erik van waalaijk van Doorn)

-ساڵی 1998 بەشانۆی دوبارەی داستانێك بەشداری یەكەم ڤێستیڤاڵی شانۆیی كوردی لەتاراوگە كرد لە شاری بەرلین ئامادەكردن و دەرهێنانی ئەم شانۆیە لەلایەن هونەرمەند سیروان ڕەحیم بوو

-ساڵی 2000 بەشداری لە دووهەم ڤێستیڤاڵی شانۆیی كوردی 5 تابلۆ لە تاراوگە كرد لە ئامادەكردن و دەرهێنانی هونەرمەند شۆڕش قادر بوو هەر لەم ڤێستیڤاڵە خەڵاتی باشترین ئەكتەری پێبەخشرا

-ساڵی 2001 ڕۆڵی سەرەكی لە فیلمی سینەمایی 35 میلم ڕۆژانی زەرد بینیووە ئەم بەرهەمە بەشداری چەندین ڤێستیڤاڵی جیهانی كردووە كە بەرهەمێكی ئەڵمانی بوو

-ساڵی 2002 ڕۆڵی سەرەكی بینیووە لە شانۆی شەوی زاوایەتی بەزمانی هۆڵەندی كە لە نووسینی (vera aikens) دەرهێنانی هونەرمەندی عەرەب رسول السفیر بووە هەر لە هەمانساڵیشدا ڕۆڵی سەرەكی بینی لە درامای تەلەفزیۆنی (hallo holand) كەلە نووسین و دەرهێنانی هونەرمەند ئەكرەم سلێمان بوو

-ساڵی 2004 ڕۆڵی سەرەكی بینیووە لە درامای تەلەفزیۆنی نامۆیی كەلە نووسین و دەرهێنانی شۆڕش قادر بوو هەر لەهەمان ساڵدا بەڕۆڵی سەرەكی بەشداری لە فیلمی دەریایەك لەبیرەوەریم كرد كەلە نووسین و دەرهێنانی هونەرمەند كامەران رەئوف بوو

-ساڵی 2005 ڕۆڵی سەرەكی بینیووە لە كورتە فیلمی Gekleurdeijs بەزمانی هۆڵەندی بۆ Art universaty لەدەرهێنانی هونەرمەند ئاكۆ سیرینی بوو

-ساڵی 2006 ڕۆڵی سەرەكی بینیووە لەشانۆیی (De Herineringen) بەزمانی هۆڵەندی ئەم شانۆیە لەنووسین و دەرهێنانی هونەرمەند كامەران ڕەوف بووە كاری وەرگێڕانی لەلایەن شەماڵی عەبە ڕەش بۆ كراوە پێداچوونەوەی زمان لەلایەن Tom the smit وە بۆ كراوە

-ساڵی 2006 بەشداری لە زنجیرە درامای تەلەفزیۆنی بە زمانی ئینگلیزی بەناوی casualtym لەدەرهێنانی هونەرمەندی ئینگلیز ben morris هەر لەهەمان ساڵدا ڕۆڵی سەرەكی بینیووە لە كورتە فیلمی دڵشاد، دەرهێنانی ئاكۆ سیرینی بۆ Art universaty بوو له utrecht

-ساڵی 2007 ڕۆڵی سەرەكی بینیووە لە 8 ئەڵقەی زنجیرە درامای nederlands aan het werk بەزمانی هۆڵەندی كەله دەرهێنانی هونەرمەندی هۆڵەندی Ruben bults بوو هەر لە هەمان ساڵدا ڕۆڵی سەرەكی بینیووە لەشانۆیی دەرگا بەزمانی كوردی ئەم شانۆیە لەنوسینی نوسەری ناوداری عەرەب یوسف السفیر بووە و كاری وەرگێرانی بۆ زمانی كوردی لەلایەن جەمال خەمبارەوە كراوە پاشان وەرگێڕدراوە بۆ زمانی هۆڵەندی لەلایەن شەماڵی عەبەڕەشەوە

-ساڵانی 2008 و سەرەتای 2009 ڕۆڵی سەرەكی بینیووە لە 5 ئەڵقەی زنجیرە درامای منداڵان بەزمانی هۆڵەندی بۆ كۆمپانیای ooit لە نوسین و دەرهێنانی ئەكرەم سلێمان بوو

-بەشداریكردووە لە ڕێكخستن و سەرپەرشتیكردنی ڤێستیڤاڵی مۆنۆ درامای كوردی لە لەندەن لەهەمان ساڵیشدا بەشداری لەزنجیرە درامای Guardiansof the musum ڕۆڵی بینیووە له كەناڵی bbc1 پەخشكراوە

-ساڵی 2011 بەشداری كردووە لە زنجیرە درامای كوردی ئاكامی نهێنیەكان لەنوسین و دەرهێنانی سالار سوڵتان بووە

-ساڵی 2019 بەشداربووە لەشانۆیی باوك لەگەڵ دەستەیەك لەئەكتەرە ئەزمووندارەكان لەنوسینی ( ئاو گۆست ستریند بێرگ) وەرگێڕانی بۆ زمانی كوردی (دلاوەر قەرەداغی ) دەرهێنانی (سدیق عەزیز ) بوو

-ساڵی 2020بەشداری لە زنجیرە درامای دوشەودا كردووە بەهاوبەشی ئەكتەرە ئەزمووندارەكان و لاوەكان گرنگترینیان (ناسڕ حەسەن، یونسی كاكە حەمە، شادان فوئاد، سەلام كۆیی، ئیبراهیم حەكیم، خەرمان هیرانی، شای نەجاڕ، پێشڕەو حوسێن، ئاكام تاهیر، ڕۆژە فایەق، كەنار سەرچڵ)
كاری دەرهێنانی ئەم زنجیرە درامایە لەلایەن كارۆخ ئیبراهیم حەكیمەوە بوو.

س: سینەما بۆ كورد

شەماڵی عەبە ڕەش

http://www.rwangauraxna.com/detail.aspx?IDNews=2596

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

You may also like